მეღვინეობა ფერაძე ისტორია, ტრადიცია და ხარისხი ყოველ ბოთლში

მეღვინეობა ფერაძის ისტორია 2017 წელს დაიწყო და მას შემდეგ, უმაღლესი ხარისხის გამორჩეულმა ღვინოებმა, ღვინის პროფესიონალთა და მოყვარულთა აღიარება დაიმსახურა. წლების განმავლობაში, კომპანია გაფართოვდა, გაიზარდა როგორც წარმოებული პროდუქციის რაოდენობა, ისე ღვინის სახეობები და საექსპორტო ბაზრები. დღეისათვის, მეღვინეობა ფერაძე აწარმოებს 15 სახეობის ღვინოს, რომელიც წარმატებით იყიდება  როგორც ადგილობრივ, ისე საერთაშორისო ბაზრებზე- მსოფლიოს 10 ქვეყანაში.

2024 წელს, მცხეთასთან ახლოს, არმაზის ულამაზეს ხეობაში, გაიხსნა ახალი თანამედროვე სტანდარტების საწარმო, რომელიც ოთხ სხვადასხვა ფუნქციურ სივრცეს აერთიანებს. ეს შესაძლებლობას იძლევა არა მხოლოდ ვაწარმოოთ მაღალი ხარისხის პროდუქცია, არამედ ვუმასპინძლოთ ღვინის მოყვარულებს ღვინის სადეგუსტაციო ტურებზე.

პროდუქციის უმაღლესი ხარისხი, იდეალური ადგილმდებარეობა, თანამედროვე ინფრასტრუქტურა და გამორჩეული გარემო – ეს ის უპირატესობებია, რომლითაც მეღვინეობა ფერაძე იზიდავს როგორც ადგილობრივ ღვინის მოყვარულებს, ისე უცხოელ ტურისტებს და დედაქალაქის სტუმრებს.